كل يوم الواحد يصحى ويلبس اى بلوفر والبنطلون الجينز وبلف الايشارب وانزل واتفرج على المشيه بالخطوة السريعة تقولوش عسكرى ولا لوا
ماما كل يوم تقولى كنت فكراك هتتغيرى لما تروحى الجامعة وهتغيرى لفة العواجيز دى وتعملى زى البنات اعت ابوص فى المرايا
وقلت لو عملت زى البنات لفيت الايشارب اسبانش وحطيت احمر واخضر ياترى كده هبقى بنت واعدت اضحك وقلت مش ممكن انا اعمل كده ده انا اخد تريئة ومش هسلم من كلامهم ولكن الزن على الودان امر من السحر
وقلت اجرب وساعات امام المرايه الف الطرحه من هنا تتفك من الناحيه التانيه والدبابيس ترشق فى نفوخى لحد ما دماغى بقت مصفه نزلت الشارع اول مره بالنيو لوك وحاسه انى شايله طاجن ستى فوق دماغى واعد افكر فى كل التعليقات السخيفه اللى هتنزل عليه زي الرصاص ولكن ربنا ستر بس ماعرفش اذا كانت مجامله ولا حقيقه ولعل التغير يقلل الملل شويه
Subscribe to:
Post Comments (Atom)
Falling hearts Here
5 comments:
أنا اول مره أزور مدونتك وكمان ابقى أول كومينت حاجه بالنسبالى شرف كبير
موضوع النيولوك حاجه مش وحشه بالمره على فكره طالما اللوك الجديد ده لا يتعارض بحاجتين أولا الدين وثانيا المجتمع الذى نعيش فيه
طالما التغير لم يتعارض معهم فالضوء الاخضر من وجه نظرى منور .
وبعدين أنت فى هندسه فعلا أنا برده فى هندسه أهلا بك فى النقابه
ده شرف ليه انا وانا مبسوطه انى لقيت حد يشجعنى على التغيير
انا متفقه مع محمد فى كل اللى قالوا مدام النيولوك فى حدود المعقول يبقى تمام
ربنا يستر وما ارجعش فى كلامى انا عارفه نفسى ماليش فى العيائة
2keeeeed lazm el wa7d y3ml kl shewya new look 3shan myzh2sh.we lw 2ly 2lolk r2yhm dol s7abk bgd.2keeeeeeeeeeeed msh hykdo 3leky.
Post a Comment