كان يا ما كان

مش عارفه

2007-09-16T21:52:00.000+02:00

مش عارفه اصلا هقول ايه بس جوايا كلام مش عارفه ايه هو يمكن مش جوايا حاجه او بألف يمكن هخترع مش مهم بس هكلم برضوا
انا مبسوطه و مش مبسوطه او يمكن لا ده ولا ده ممكن اكون عندى لا مبالاه مش عارفه ...................زشكلى مش لايه حاجه اقولها بس امال ايه ده احساس كده بيجيلى لما اكون عايزه اكلم فى حاجه واقفه فى قلبى بس ان شاء الله احساس موءقت وممكن يبقى مستمر (
هنشوف ربنا يسهل
يا ترى انا ايه عايزه ايه ....اى دونت نو.......لا ......اى نو ما علينا انا وخده على الخبطه دى بس كل اللى انا متاكده منه بأذن الله ان نفسى ابقى كويسه فى دراستى و اسلوبى ف التفكير والنظر للحياه بأسلوب اكثر عقلانه و نفسى اقدر انى وصلت نفسى شويه مش غرور بس احساس بالذات انى احس انى بنى ادمه او بمعنى اصح احاول اخلى لنفسى ومستقبلى جزء من تفكيرى لان ده اللى بقيلى ما فيش حاجه مضمونه

وانا مبسوطه للاحساس ده حتى لو كلام دلوقتى بكره يبقى حقيقه ان شاء الله وده طبعا ما وصلتلوش لوحدى اكيد بعد مساعده ه على كل حاجهحمد لله على كل حاجه

كل سنه وانتوا طيبين

2007-09-09T20:58:00.000+02:00

كل سنه وانتوا طييبين علشان رمضان والمدارس والجامعات ...................الخ ربنا يجعل ايلمنا كلها بخير يا رب وكلنا نبقى بخير وصحه و سلام دايما قولوا امين................أميييييييييييييييييييييييين يا رب العالمين

يارب كل واحد يحقق الى نفسه فيه وما يبقاش فى مشاكل

بطلب حاجه من كل اللى هيقرا البوست .........................ادعولى ربنا يوفقنى انا وكل اصحابى ويهدينى و يكتبلى الخير

كلمه فى كتاب

2007-08-22T22:32:00.000+02:00

هناك فرق بين عين العقل وعين القلب .....فالاولى تجعلك تري ما ينبغى ان ترى ,والثانيه تفرض عليك ان تري ما
تحب ان ترى فيمن ترى ولا تتيح لك الفرصه فى ان تقول بينك و بين نفسك :يا ترى او يا هلتري

كلام عجبنى اوى لان كتيير بيمشى ورا عين قلبه بس (وده بياخد على دماغه)اوبرضه كتيير بيمشى ورا عين عقله بس (فتكون اراءه جافه دون اى ليونه)ا
يعنى نستهدى بالله كده وخير الامور اوسطها شوية رئه مع العقل نشد الحبل ونرخيه ف نفس الوقت الحياه عايزه مناهده و مسايسه علشان نخرج منها دون ضرر او ضرار ......................ولا ايه؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

مركب ورق

2007-08-17T20:20:00.001+02:00

كان يا مكان فى سالف العصر والاوان فى قريه صغيره بعيد عن الاعين حيث الهدوء والسكينه وفى بيت صغير يطل على بحيرة القريه كان هناك طفل صغير يدعى امير كان اسم على غير مسمى فهو من اسره ضيقة الحال تكاد ان تحصل على قوت يومها

وكل يوم فى ساعة الغروب يجلس على شاطىء البحيره يتأمل منتهاها ويأمل فى مستقبل افضل له و لاسرته فهو رغم صغر سنه كان عنده احساس بالمسئوليه تجاه اهله

ولكن كان بداخله طفل يحلم بأن يعيش سنه ويلعب مثل الاطفال

وفى يوم وكعادته وهو جالس عمل مركب ورق و وضعها فى البحيره وتركها و تحركت فى هدوء بسبب نسمات الهواء التى كانت تحرك شعر امير على جبينه واخذ ينظر اليها ويتأمل تحركاتها بهدوء

وفجأه تحولت لسفينه ضخمه عاليه فائقة السرعه وظهرت عليها فتاه جميله رقيقه الملامح هادئة الطباع ولكنها لا تشبه البشر كثيرا

ودعت امير للركوب معها فسألها عن جنسها

فكانت عروس البحر البحر بيتها والسمك عشيرتها

فأخذته على السفينه واخذت تلف به بلاد وبلاد يرى عجائب و غرائب بعيد عن قريته الهادئه حيث كثير من الناس وحيث العيشه الرغده

وابحرت به ايام وليالى وهو يشعر بأن احلامه تحققت قبل الاوانفكان سعيدا مسرورا

ولكن فجأه احس بأيد رقيقه تطبطب عليه فأذا هى امه تطلب منه ان يفيق من نومه فأستيقظ وحاول يدرك ما حوله

فاذا به كان يحلم كعادته فنظر الى البحيره وراى ما حزن قلبه راى ان المركب الورق التى سافر بها لكل مكان باشت وتفتت وغاصت ف البحيره شىء فشىء فأنخرط فى البكاء وانفطر قلبه واحس ان احلامه مصيرها مثل هذه المركب سوف تفنى وتغرق وتذهب مع الريح

انا مش عارفه انا كتبت البوست ده ليه يمكن عشان كلنا لينا احلام خايفيين تبقى مركب ورق مش عارفه

او لاننا حاسيين ان مركب ورق قلبنا اوان فرحها ما جاش

كلمه فى كتاب

2007-08-14T16:29:00.001+02:00

اذا بكت المرأه فهذا يعنى انها تريد شيئا واذا بكى الرجل فهذا يعنى انه خسر كل شىء...................ستندال

هذه المقوله ليست استخفاف بمشاعر المراه او دموعها وانما تقصد معنى ابعد و اسمى فهو من وجهة نظرى:انه

من المعتاد ان نرى دموع الضعيف الذى لا حيلة له بينما من اصعب الامور على المشاعر الانسانيه هو عندما يقهر القوىو تخر قواه فيصبح لا حول له ولا قوه ولم اقصد القوى العضليه فهذا الموقف يمزق اى مشاعر انسان

klma f ktab

2007-08-09T00:14:00.000+02:00

ytmez 2l rfe3;b2nho 3atfy bla klk , 3akl bla 2rtbak shoga3 bla dgl ..........confishios

mkola 7loa 3gbtny f 2nsan rfe3 2l 25la2 w 2l tba3 la yklk f 3watfo l2nho la yrtkb 5t2 f 7k 27d fi3aml 2l trf 2l 25r bkl 27tram w tkder mema yzel sh3oro b znb w 3atfa tshml kol 2l goanb 2l 2nsania w les ganb wa7d fkt

kma 2n rfe3 2l 25la2 3akl 2fkaro mrtba bla ththa wla trdd y7dd 2l hdf we yser n7oh

shga3to ttmsl f mro2toh w rfdo l2y 5t2 don gdal 2w mnaksha f 7k 3ndo wa7d we mbad2 la ttgz2

da r2y 27b 23rf 2ra2ko

klma f ktab

2007-08-08T14:32:00.000+02:00

2na b2ra ktab 2smo (GSR 2L M3RFA) f m3lomat mtno3a we mkolat kteer 2lly 3gbny we 2ly ma 3gbnish wna krrt 2ny 2ktb kol mra makola we h2ol r2y we hstna 2ra2ko we hitb2a 2l posts de t7t 2sm klma f ktab l2nha mkolat tst7k 2l monaksha bgd

2ntzrony s23od b3d klel

wght nzr

2007-08-04T01:28:00.000+02:00

kol wa7d leh wght nzr ytb3ha kol wa7d bi7b ysm3 sot nfso bs we yftkr 2nha s7 we ys3a wra kol she2 lt72i2ha we y5liha wghto f 2l 7ia 7iato... we mst2blo .... wra 2l hdf da

ymkn ma yshofsh wla yktn3 br2y 7d we kol 2lly f dma3"o fkra w7da 2no da she2 lazm y7sl

but low 7sl she2 y2lb kol kiano we kol 27lamo tter...............................

y3ml 2h sa3tha y3ny kol she2 ra7 we 2n2da we y7t 2ido 3la 5do 2na f3ln mosh 3arfa we malish wght nzr f mwdo3 da mosh 3arfa 2krr

we m7dsh y2ol l2 3"lt 2n 2l wa7d ytmsk bfkra f dma3"o hwa bs l2n sa3t lma 2l 7lm byro7 s7bo bs hwa 2lly bi7s bmntha 2l 27bat we 2n 2l 7ia w2ft kda mhma ysm3 mn mwasa 2w m7ila ........ya3ni m7dsh hi7s be 3"iro wla 2h???

mhma kan sh5s 3aziz 2w 2orib

bgd 2na bs2l y3ny s7 2ny 2l wa7d y7t fkra f dma3"o we yas3a wraha we mishofsh 3"irha

wla yb2a mrn we ysm3 2ra2 2l nas kolha bgd mosh 3arfa wla 2l modo3 2sln yt3l2 be sh5sit 2l bny2adm nfso we mda tkbolo le 2ra2 2l nas

ml7oza lm 23od l7alt 2l mll we 2l di2 2l 7md lla

da mgrd mowdo3 7bet 2tr7o 3liko ka mnaksha 3ama

s7wa

2007-07-30T15:03:00.000+02:00

n2sf 3la 2l t25eer bsbb 2n kol lma 2gy 2ktb 7aga 2la2y 2s7aby za3laneen we 3ndhm mshakl f ttsd nfsy bs hktb bna2 3la tlbhm

2l 7md lla ng7t we gbt gaid 3la 2dy m3 2ny ndmana l2ny kan mmkn 2geb 27sn low 3mlt 2lly 3alia bs 2l 7md lla bs 2na

bs 2na 3ndy 27sas 3"areeb 2wy mbsot a gdn we 3andy ra3"ba f 2l mozakra we nfsy 2b2a 7aga kbira nfsy 25sh petrol wa 2geb t2der we b3den 23ml doctora we b3den 25sh shorta 6 shohor we 2b2a zabt mohnds petrol

7sa 2ny nfsy 2sl7 mn nfsy wb2a 2nsana zo sh2n 7ta 2nny bro7 el gem we fadly 25s 5 kilo we 2b2a wslt llwzn 2l msaly

27sas 3mry ma 7sato we ra3"ba f 2l 7aia ma kntsh mogoda 2bl kda 7ta 2ny b2et 2shtry ktob 3lshan nfsy 2b2a 3ndy skafa

27sas gamel lma 2l wa7d y7s 3no 3ndo hdf bis3a wra

we r3"m kol da 2na mdi2a 3lshan 2s7aby 2lly za3lanin dol nfsy yrg3o mbsotin tany rbna ys3dhm

2d3olna

2007-07-23T15:25:00.000+02:00

2d3olna we naby nng7 27sn 23sabna t3bt 5als kol yom 2osha3at 2n el natiga tl3t bs ma bttl3sh shklha m7shora f 7aga wla mksofa ttl3 3la el 3mom bra7tha 5als ma t2l2sh nfsha 27na 2lly n2l2 we ttl3 3nana

2d3olna 2nto bs

مشيييييت ورا احساسى

2007-07-08T14:09:00.000+02:00

مشيت ورا احساسى اغنيه جديده للفنانه روبى اول مره اشوف الكليب رائع الحقيقه هوصفهلكوا

الخلفيه الهرامات وابو الهول

روبى تتوسط المكان فى ظلام اليل لا تظهر الا بواسطه اضواء الكاميرات الخافته

ااوترتدى ملابس عجيبه لا يمكن تميزها حاجات فوق بعضها

الاغنيه هاديه جدا ليست كما اعتاد روبى عليه

وبعد كل ذلك الهدوء والسكينه والجو الرائع

الاقى ست روبى بترقص بترقص بخطوات سريعه وبتعمل حركات عبيطه اوى ضحكتنى من هبلها يمكن كانت بترقص لابو الهول على الطريقه الفرعونيه العبيطه اصدى القديمه

او يمكن كانت بتمشى ورا احسسها بسرعه شويه وشكلها كده ملحئتهوش فجلها صرع واقعدت تتشنج

الصراحه كليب حقق كل اسباب النجاح بحيث ان اذنك يسمع الاغنيه فى ناحيه وعينك تتفرج فى ناحيه تانيه دون اى ترابط يذكر

والله يا ست

عقبالكوا

2007-06-30T09:03:00.000+02:00

كان فرح حلو جدا كان هنا ف القاهره مع ان العريس والعروسه من السويس

نقو ل ايه غاويين شحططه بس كويس العيله كلها كانت موجوده ناس كتيير بيدعوا انهم ارايبى

مع انى عمرى ما شفتهم

المهم ان الفرح كان فى مكان اسمه قاعة الحرب الالكترونيه تقريبا الاسم كده

بس مكان جميل اوى

شمال خايفه على اللى فوق دماغها يقع مع انه كان مثبت بحوالى 30 دبوس خرموا دماغى يلا المهم بقى كنا تقريبا اول ناس نوصل بعد مامة العريس واخته وشوية ناس كده وطبعا صحبتنا انا يعنى مش عارفه تتحرك لا يمين ولا

بس بقه وبعدين العريس والعروسه جم وكنت متشوقه اشوف العروسه لانى ما اعرفهاش

عشان انا قريبة العريس

بس كان العريس احلى بكتييييييييييييييييييييييييييير

وابتدت الزفه وان العروس تتحرك ابدا وطبعا بتحياتى الخاصه سمعت اخت العروسه بتقولها

ارقصى يا بنتى اتحركى التانيه تقولها

مابعرفش راحت اختها قلتلها طب اعملى زيي

ياعينى على الماساه صعبت عليا

بس ما كنتش محتاجه تتعب نفسها البنات اللى ف الفرح عملوا الواجب وزياده شويه ربنا يديهم الصحه

والعبده لله اعده ببص على اللى رايح واللى جاى

استغفر الله العظيم

بس كان تقريبا 95% من الفرح زمالكويه

خلص الفرح الساعه1:30 ص

وكنا هنكمل بقيت السهره فى وسط البلد بس روحنا بقى كفايه كده

الحمد لله كان فرح حلو وتم على خير

وعقبالكوا كلكوا

محلات وسط البلد

2007-06-27T16:37:00.000+02:00

لحسن الحظ عندنا فرح بكره جه فى وقته يمكن ابقى احسن حالا

طبعا بقالى اسبوع بجهز عرفت يوم الجمعه اللى قبل اللى فات ان فى فرح وكان لسه عندى امتحانات واول لما خلصت نزلت ادور

على لبس فى الهرم انى الاقى ابدا مافيش حاجه راضيه تيجى مقاسى قست طقم كان حلو بس فيه مشكله بسيطه

ما كنش على قدى مع انه كان جميل رحت سبت المحل وخرجت وقررت لو ملقتش لبس النهارده مش هروح

المهم الحمد لله ما لقتش ورجعنا بخف حنين

وتانى يوم نزلت وسط البلد ما سبتش فيها محل لا انا ولا خلود اختى وخلاص كنا مروحين بس النصيب اخر محل دخلناه كنت ببص

على فستان لكن فجاه لقيت تايير ماما ادت واحد ليه وواحد لخلود واللى هاييجى على قده هياخده

والحمد لله جه على قدى وخته

بس المفجأه الكبرى

بعد لما رجعنا جيه تليفون الو مين ................الفرح اتلغى لااااااااااااااااااااااااه

بعد كل ده حرام طب ليه

وبعدين يا رب بقى ده انا رجلى اكسرت يارب المشكله تتحل طب هنرجع الهدوم ولا ايه دى ما تتلبس الا فى فرح حرام والله امال بيستعجلوا ويقولولنا ليه بس

وتانى يوم التليفون رن الفرح زى ما هو يوم الخميس

ياسلام قلبى ارتاح

ونزلت اكمل بقيت اللبس من ايشارب واكسسسوارات ومانيكير

هو انا شويه ولا ايه

شوفته بقى البنات بتتعب ازاى مش لو كنا ولاد كان قميص وبنطلون وحلينا المشكله

بس ربنا يسطر وما يجيش تليفون النهارده كمان

ويارب اخرج من الكابه دى بقى

2007-06-27T16:34:00.000+02:00

مفيش مشكله

2007-06-26T10:12:00.000+02:00

ياااه ده انا طلعت غلطانه بشكل وحش ومفتريه ما الدنيا طلعت حلوه اهه وجميله وانا اللى كنت ما بفهمش كل حاجه الواحد عايزها بيلاقيها ادامه قبل ما يتكلم حتى الحياه بمبى ووردى وكل الالوان ما عدا الاسود طبعا اسود ايه بس فى الجنينه دى لامشاكل ولاضيقه ولا حاجه ابدا ولاحد بيغصبك على حاجه ولا بتعمل حاجه انت مش عايزها كل القرارات فى ايدى وسهل تنفيذها لالا ده انا كنت مفتريه فعلا ده انا حتى بالمناسبه السعيده دى الخاليه من المشاكل افتكرت اغنية الحياه حلوه بس نفهمها

انا ما عنديش غير مشكله واحده بس بتؤرقنى وتعبانى خالص خالص يا ترى هتكون ايه؟

هيه بالنسبه لى مشكله عويصه وهى الحر الجو الحر بيخلينى مش طايقه نفسى ومش طايقه حد

لكن فى الشتا ببقى خاليه من المشاكل تماما

خيوط عنكبوت

2007-06-23T09:21:00.000+02:00

ايه العنوان ده ؟ مش عارفه فجاه جه ف دماغى يمكن لانه بيوصف مدى شعورى يعنى خيوط عنكبوت ولا رجلين اخطبوط كلها ف الاخر خنقه واحده لا هيه مش خنقه هيه كتمه لا برده كتمة ايه ؟دى حاجه واقفه فى قلبى يمكن ضيقه خوف ضعف حاجه من هذا القبيل خيوط بتلف حولين رقبتى ودماغى بقى عندى شعور دائم ان الدنيا قربت تخلص مع ان يمكن لسه الحياه ما ابتدش دماغى شغاله 24/24
تعبت و صد عت نفسى ابقى واحده تانيه او حد يدينى دماغه شويه يمكن استريح بصراحه مش عارفه اقول ايه تانى هو نفس الكلام ده انا زهقت

افراج

2007-06-19T16:23:00.000+02:00

افرااااااااااااااااااااااااااااااااج وخلصنا امتحانات بعد عذاب دام مده طويله ربنا يستر على النتيجه

وكان نفسي اكتب القسم اللى انا عيزاه بس للاسف حكم السلطات العليا

المهم انها كانت سنه غريبه اوى عرفت ناس كتير وحكاىات اكتر بس الحمد لله طلعت باخوات بكل ما تحمله الكلمه من معنى وليس مجرد تعبير مجازى اخوات يخافوا عليا وينصحونى ويسمعونى فى جدى وضحكى وتهييسى وانا بقول ليهم كلهم ما تزعلوش منى فى اى حاجه عملتها غصب عنى او بقصدى والله يكون فى عونهم انهم استحملونى واستحملوا ارفىوربنا يخليهم وارفهم كده علطول ويارب كل واحد يحقق اللى نفسه فيه وربنا يهدينا كلنا ويكرمنا

برج الجوزاء

2007-04-21T10:43:00.000+02:00

انا م ش من النوع اللى بيتابع حظك اليومولا اقرا البخت ولا الحاجات دى كل الحكايه انى بحب اعرف الصفات العامه لكل برج مش عشان اعرف الناس معرفة الناس هتيجى بالزمن ومع الوقت ولكن انا لقيت ان برج الجوزاء برج غايه فى التعب )(ده برجى انا)مش صعب التعامل معه ابدا ولكن هو متعب لصحبه فقط فصاحب هذا البرج يتمتع بشخصيه غايه فى التناقض بعيدا عن النفاق ودون ان يدرى فى وقتها فقمة السعاده تتحول فجاه وبدون سابق انذار لحزن وتراكم هموم وقمة العقل والحكمه تصبح جنان وهبل بحس انى عاقله جدا فى تفكيرى لكن لما اقع فى مشكله صغيره يا سلام ابقى غرقانه فى شبر ميه ومحتاجه الناس كلها تقف جمبى

ابقى عندى راى ومقتنعه بيه تماما وبعد كده اقتنع بنقيده مع انى والله مش منافقه بس انا بمشى ورا اللى حاسه بيه والمشكله ان اللى حاسه بيه ده بيتغير

كل ده كوم وعدم ثقتى بنفسى كوم تانى انا بشوف انى مافيش عندى اى ميزه انا شخصيه متعبه بتعب اللى حوليه من غير ما بقصد ماما وبابا شايفين كل تصرفاتى غلط معاهم ومع اخواتى ومع الناس مع انى ااجتماعيه واعرف ناس كتير

بس انا بقول الله يكون في عون اللى بيتعامل معايا

حتى البلوج اللى كنت فكراه هيطلع مهييس ولونى ما بحبش الكلمه دى طب بكتبها ليه!!!؟؟؟؟ طلع بلوج كئيب

يمكن بتريح

2007-04-21T10:26:00.000+02:00

بيقولوا الدموع بتريح مش عارفه

يمكن بتخلى الواحد يطلع شوية الكبت اسفه شوية ايه ده كتيييير اوى

مافيييييييييييييييييييييييييييييييييييييييييييش فايده كل لما اقول هكتب حاجه مفرحه تقلب بغم على العموم انا هحط شوية صور سرقاهم من الاخوه اصحاب البلوجات

براءة

2007-04-21T01:56:00.000+02:00

مكبر دماغه

2007-04-20T20:14:00.000+02:00

مكبر دماغه وعايش طفولته مش عارف ايه اللى هيجراله ياعين ماما بكره هيروح المدرسه ويشيل شنطة اده مرتين ويعد يحشر فى دماغه كلام فارغ وبعدين ثانويه عامه ويشد فى شعره وعينيه الزرقه دى هتبقى سودا مهببه وممكن يسقط او يجيب 50 فى الميه ويخش !!!!!!اوبعد كده يا حسره هيطلع حرامى ويخش السجن علشان مش لاقى يشتغل ولا يعيش ولا يسكن يعنى noway

وسعد زغلول قال ما فيش فايده وادى حال الدنيا

رساله من تحت الماء

2007-04-20T19:55:00.000+02:00

الانسان فى هذا الزمن كالاسماك التى تحيطها المياه من جميع الجهات ولكن الفرق ان الاسماك لديها قدرة التنفس فى بيئتها بينما الانسان يعجز عن التنفس عن الكلام او حتى الاشاره بما يريد فهو مسلوب الاراده مقود لما لا يريد فعله ولكنه مجبر عليه يقوده اسماك اخرى الى المجهول الاليم المخيف الذى يعلم نهايته ولكنه يذهب اليه ومع ذلك ورغم انه لا يعتبر فى عالم البحار سوى سمك صغير الا انه عند اول خطا يلتهم من طائر جارح او سمكه مفترسه ويصبح اشلاء متناثره لا يعبأ بها احد ولا يذكر لها جميل ولا يتبقى سوى خطـها التى لم تستطع حتى ان تكفر عنه وتبرر فعله وتكون كلماتها الاخيره من تحت الماء
انى اغرق اغرق اغرق

دعاء وتمنى

2007-04-20T19:36:00.000+02:00

الحمد لله خلصنا امتحانات وخلصت روحنا وربنا يستر والله مش عارفه عملت ايه اول مره احس بولا حاجه فعلا مش عارفه كتبت صح ولا غلط ده انا حتى خايفه ابقى حله(ولاغطا)صح ويفتكرونى بضحك عليهم بس انا مش كده والله على العموم انا استاهل انا اللى كبرت بالاضافة طبعا لكرم الجامعه الزائد كل واحد بياخد حقه على الاخر!!!!!!اا بس
انا طمعانه فى كرم ربنا انه هيكرمنى ان شاء الله عشان انا مش ناقصه والنبى وربنا يكرمنا كلنا ويهدينا
آميييييييييييييييييييييين يارب

ايه الملل ده

2007-03-18T20:29:00.000+02:00

هكتب عن ايه يا حسره كل يوم شبه التانى مافيش جديد لحد ما بقتش عارفه امبارح من النهارده وادى الدنيا ماشيه من عزه للنحوى لشاكى يا قلبى لا تحزن الحياه محتاجه شوية تشنج يعنى تغيير عقبال عندكواوعلى العموم التغيير جاى ونتيجة الميد تيرم هتطلع وهتبقى الفضيحه بجلاجل وبعدين امتحان الميد تيرم اكشن تالت مره والواحد ولا عارف يذاكر ولا نيله وشكلى كده هاخد شهادة خبره فى اعدادى دى والنبى ادعولى ربنا يهدينى ويسترها معايا ومن قدم شىء بيداه التقاه وهنيالك يا فاعل الخير والثواب
ايه الياس اللى انا فيه ده انا ملاحظه ان كل حاجه بكتبها تجيب الهم سبحان الله مع انى مش فقريه وما ببطلش ضحك الواحد شكله اتجنن وجاله الهسهس وعقله فوت ومش عارفه السبب من الكليه ولا من البيت ولا من الزمن اللى هيجنن الواحد
اللى عنده موضوع يشعر ببهجت يقولى عليه والنبى نفسى اكتب حاجه مهيسه

الثانويه العامه (ايام راحت)الحمد لله

2007-03-03T14:41:00.000+02:00

ياعينى بنت خالتى لسه شيفاها النهارده بقت عامله زى عود القصب وهى لسه يادوب فى تانيه ثانوى امال لما تروح تالته هتبقى عامله ازاى اكيد مش هنشوفها مش هتبان من الارض فكرتنى بايام الهم والعذاب والمرمطه فى الشوارع من درس لدرس ياقلبى لا تحزن
يا عينى البنت بتشد فى شعرها وعماله تخبط فى قاسم امين اللى قارفها فى عيشتها وتقول هو السبب هو اللى نادى بتعليم البنات هو السبب فى اللى انا فيه ده خلاها كل ماتفتح صفحه فى الكتاب تلاقى سقراط والامام الغزالى (انا افكر اذا انا موجود اذا انا اعيش) واحنا ملنا ومال الكلام ده ياعينى اطعت فى قلبى
وبتدعى تدخل اى جامعه ان شاالله كلية تجاره
ربنا يكرمها ويخلصها على خير
معلش يا جماعه رجعتكوا لايام الهم اللى ارتحنا منها تقريبا يعنى ولو ان موضوع الراحه ده مشكوك فيه بس اهى طلعت كلمتين كانوا محشورين فى بلعومها
المواطنه المطحونه ايه

كوكب الشرق

2007-02-28T23:36:00.000+02:00

اعظم سلام لاعظم صوت واحساس فى الدنيا (ام كلثوم)الصوت الذى عشقه الملايين الصوت الذى يحرك المشاعر والاحاسيس ويجعل الانسان يرقى بمخيلته وفكره مع اروع كلمات والحان كانغام العصافير وتغريد البلابل فكل اغنيه تروى حياه بمواقفها ومشاكلها ورقى احساسها
ولكن للاسف والالم والحسره اصبح من النادر ان يوجد احد يستمع لها واصبح معجبيها دقه قديمه او (مترب)زى مابيقولوا بس السبب واضح ولابس ميكرو جيب وبادى كت وبيرقص على (بحبك يا حمار)و(انا دانا)واغانى الميتال اللى بتجيب طرش وترفع الضغط وتجيب السكر.............الخ
وهي عباره عن قصه قصيره تافهه مليئه بالالفاظ السوقيه الدنيئه التى تثير اشمئزازى ويشعرنى بتدنى المستوى والذوق وكل حاجه راقيه
وطبعا كل هذا سبب مقنع ليجعل الناس تمل من اغانى ام كلثوم!!!!!!!!!!!!!!!!وغيرها فهى ليست مجرد شخص وانما هى تراث عريق لازم نحافظ عليه

كلام قوى بناء على طلب شمعتى

بين الاطلال

2007-02-24T21:15:00.000+02:00

ليه كل شىء جميل يبقى اطلال وذكريات فاتت وعدت ليه كل اللحظات الحلوة نقول ياريت ترجع تانى ليه اوقات الفرح قصيره واوقات الحزن طويله مريره ليه كل ما نعرف ناس نسبهم ونعرف ناس تانيه
لما دخلت اعدادى اعد افتكر ابتدائى واصحابى اللى قضيت معاهم 5 سنين من عمرى وذكريات الطفوله البريئه وما كنتش اتخيل انى هسيبهم فى يوم من الايام
وقبل ما ادخل الجامعة كنت مش قادره اتخيل ازاى اسيب اصحاب اعدادى وثانوى اللى قضيت معاهم اجمل سنين عمرى ايام الضحك والهذار والتفكير فى الجامعة والمستقبل
ودلوقتى دخلت الجامعة وعرفت ناس وخت عليهم ويا عالم هفضل معاهم لحد امتى
واهو كل يوم من ده نعرف ناس ونسيب ناس

ماما عايزانى ابقى بنت

2007-02-23T23:02:00.000+02:00

كل يوم الواحد يصحى ويلبس اى بلوفر والبنطلون الجينز وبلف الايشارب وانزل واتفرج على المشيه بالخطوة السريعة تقولوش عسكرى ولا لوا

ماما كل يوم تقولى كنت فكراك هتتغيرى لما تروحى الجامعة وهتغيرى لفة العواجيز دى وتعملى زى البنات اعت ابوص فى المرايا
وقلت لو عملت زى البنات لفيت الايشارب اسبانش وحطيت احمر واخضر ياترى كده هبقى بنت واعدت اضحك وقلت مش ممكن انا اعمل كده ده انا اخد تريئة ومش هسلم من كلامهم ولكن الزن على الودان امر من السحر
وقلت اجرب وساعات امام المرايه الف الطرحه من هنا تتفك من الناحيه التانيه والدبابيس ترشق فى نفوخى لحد ما دماغى بقت مصفه نزلت الشارع اول مره بالنيو لوك وحاسه انى شايله طاجن ستى فوق دماغى واعد افكر فى كل التعليقات السخيفه اللى هتنزل عليه زي الرصاص ولكن ربنا ستر بس ماعرفش اذا كانت مجامله ولا حقيقه ولعل التغير يقلل الملل شويه

هوه فى ايه

2007-02-23T18:27:00.000+02:00

هوه فيه ايه الزهق يحيطنى من جميع الجهات مش عايزه اعمل اى حاجه مش عايزه اذاكر مش عايزه افكر مش مرتاحه نفسى فى اى تغيير من كتر الزهق ما ببطلش ضحك شكلى اتجننت ومحتاجه لدكتور وفجأة بعد ضحك متواصل وبدون سابق انذار بلبس جلبية الهم وعلى رأى المطرب العالمى والشاعر المبدع سعد الصغير (اتخنقت لأ زهقت من الحياه ومن اللى فيها والبيت واللى فيه )بس خلاص

كلاكيت ثالث مرة

2007-02-18T00:29:00.000+02:00

كلاكيت تالت مرة لانه تالت بلوج اعمله بعد فشل زريع فى ايجاد البلوجين اللى راحوا بد ما نسيت الباس وورد لكن وراه والزمن طويل يا

البلوج يخلص عليه يا هخلص عليه